بسم الله الرحممن الرحيم اللهم صل على محمد و آل محمد تعلم اللهجة البحرينيه بدون معلم في يومين فقط هذه الموضوع منقول من ايميلي مطشنه واحد من أخوانا السعوديين ... في بعض الكلمات ما أدري من وين جايبنه أول مرة أسمعها ... وفي بعض الكلمات معدلنها قاموس أهل البحرين عرنجوش : هي من الكلمة الانجليزية orange juice .. وصارت كلمة تنقال لكل انواع العصير هههههه ماعندهم وقت زنجفره : فنيلة سبرة أو سريده : بروده لبلب : يقولون حق الشخص اللي يتكلم بطلاقة(هذي من وين جايبنها ما أدري) تمبه : كرة دون : قريب (هذي بعد ما نقولها) قميظة : حسافة هذي يمكن أخوانا السنة يقولوها مملوح : وسيم (خبري مملوح يطلق على اللي يشتغل واجد أي مكافح) أدناة الدون : اقل شي ورا = ليش (طبعا أخوانا السنة يقولوها) قطه = أرميـه سبيتار = المستشفى و اعتقد انها يايه من hospital (هذي ابدا ما نقولها) الدختر يعني الدكتور .. أكيد تعرفون عمبلوص = سيارة الاسعاف و يايه من ambulance خخخخخخخخخ محيوب = ممنوع من شيء (من وين جايب هالكلمة ما أدري) ميهود أو مجهود = مريض سقطه = حر (هذي أول مرة أسمعها بعد) سهده = هدوء هذي الشياب العتّق يقولونها ميوه = خضرة و فاكهه على ما أظن )أي خضرة ما عندنا خضرة بهالاسم) قلج أي غلق = صعب غلّق الوقت = تأخر الوقت عكس = صوره .... مثلاً خذلي عكس يعني صورني عكوس = صور الجابله = بكره أول مرة أسمع هالكلمة بست = باص قيلمه أو غيلمة = سلحفاة قريظة : لها معنيين ( قليل) و ( بعد شوي) (ما أدري بعد عن هالكلمة) انشد : اسأل دويحه : دائرة تميل عليك أو مالت عليك : طاح حظك ربل : بلاستك أو مطاط مأخوذة من كلمة Rubber دندره : ازعاج سحة : تمر (ما أعرف هالكلمة) نيشان : علامة أو إشارة قراده : حظ سيء ومقرود طايح حظ فرم : فرن نحو الأمية : محو الأمية نوبة الثانية : مرة ثانية هالنوبة : هالمره كشته :رحله الللابله :عقب باجر... بال شنو هالكلمة بعد قطيع :حمام الله إيعزكم (ما أعرف هالكلمة) دجه :عتبه أمسيان:المغرب دهريز:مدخل البيت كرفايه:سرير دزدان:شنطه كشمه:نظارة واللي يلبش نظارة يسمونه ابو كشمة قبقاب:إنعال الله إيعزكم روشنه:حفره في الطوفه في غرفة النوم لوضع الأغراض خرمس :ظلام حزاه : قصة إحبيبة : قليل... ما نعرف هالكلمة يزرط : يبلع بدون مضغ هبيط : منخفض نمونه : أخلاق او مثلا عادات الشخص (نمونته طيبة) يعني طيب الاخلاق ومن عايلة زينة نمره : رقم حفيز : office مكتب بارظ : مزاج ... أكثر شي اخوانا السنة يقولونها قصله : قصير بريج : إبريق بيديو : فيديو عفر: يمكن دامج: بارد أو خامل ويش صاير: خاصة لأهل السنابس هم يعرفونها خاشوقة: كلمة لأهل البلاد تعني الملعقة خندريس: حتى الآن لم يتم اكتشاف معنى لهذه الكلمة والبحث مازال جاريا كوّع: تعني ارجع من حيث اتيت (لفة على شكل حرف اليو باللغة الانجليزية) ويالله يا شباب وشابات أي واحد عنده كلمة يضيفها خلونا نسوي معجم خاص للغة البحرين | |
_________________ سلطان الليل " يظل الرجل طفلاً، حتى تموت أمه، فإذا ماتت، شاخ فجأة |